Prisar og vilkår
Prisar på våre produkt og takseringstenester er avhengig av type takstobjekt, storleik på takstobjektet, type takstrapport og reiseavstand. Kombinasjon av fleire tenester gjev lågare pris.
 
Ring oss for nærare informasjon og be gjerne om konkret pristilbod - telefon 911 79 789.
  • Verdi-/lånetakst
  • Boligsalgsrapporten (Tilstandsrapport ved avhending)
  • Energimerking (i kombinasjon med takst - be om tilbod)
  • Tilstandsanalyse / Tilstandsrapport
  • Reklamasjon
  • Skade / Naturskade
  • Byggtermografi (varmekamera)
  • Trykkprøving (lekkasjetest)
Alle prisar byggjer i utgangspunktet på at rekvirenten sjølv skaffar naudsynt dokumentasjon og har denne tilgjengeleg ved synfaringa.  Sjå meir om dette i lenke Dokument.
Kontroll av matrikkelen (eigedomsdata og heimelshavar) er inkludert i våre skjematur.
Kostnadar ved evt. anna dokumentinnhenting kjem som tillegg - spesifisert og avtala på førehand.
 

Rutine ved rapportar - korrektur, tidsfristar og utskrift

Normalt skal ein takstrapport vera klar 2-5 arbeidsdager etter synfaringa (avhengig av type og omfang).
Takstrapporten blir så oversendt til rekvirenten via e-post som eit dokument i filformat .pdf.
Rekvirenten (den som har tinga takstoppdraget) må snarast lesa grundig gjennom rapporten og sjå om det kan vera feil i faktaopplysningar. Vidare kan det vera andre punkt i rapporten som rekvirenten har spørsmål rundt eller ynskjer å drøfta med takstingeniøren.
Frist for slik tilbakemelding er sett til 7 kalenderdagar (dersom ikkje annan avtale).

Takstrapporten blir normalt levert elektronisk i filformatet .pdf til rekvirenten si e-postadresse. Me kan også senda deg papirutskrift dersom du ynskjer dette og reknar oss då kr. 50,-  + mva. for utskrift og porto.

Generelt er ein takstrapport gyldig i 6 mnd. Etter dette kan rapporten oppdaterast etter nærare avtale.

 

Generelt om opplysningar

Takstingeniøren er avhengig av kunden/rekvirenten si aktive deltaking og informasjon om takstobjektet for å skriva ein god takstrapport.
Juridisk er samanhengen slik at rekvirent (til vanleg eigar) også er ansvarleg for opplysningane i takstrapporten, i den grad at takstingeniøren må byggja sin rapport på informasjon frå den som best kjenner takstobjektet. 

Bruk av takstdokumentet

Ein takstrapport er eit fortruleg dokument som er rekvirenten sin private eigedom.
Dersom rekvirenten ynskjer at takstdokumentet skal sendast vidare til meklar, låneinstitusjon eller andre skal takstingeniøren henta inn skriftleg løyve til dette frå rekvirenten.
Normalt kan slikt løyve gjevast ved melding i e-post.

Betalingsvilkår

Avtala honorar blir fakturert med 10 dagar betalingsfrist rekna frå fakturadato.
Ved for sein betaling reknar me oss eit purregebyr på kr. 50 og morarente.
Prisar og vilkår sist oppdatert 22.03.2011