Luftlekkasjemåling - Trykkprøving

foto: Stein O. Hanto / 2009

Minneapolis Blowerdoor

Komplett system for måling av luftlekkasje ("trykk") i bygningar. 

Alle naturlege opningar blir tetta;  røykpipe, kjøkkenvifte, ventilar i vindu mv.

 

Automatisk generering av testresultat direkte til PC.

Godkjend system for uavhengig kontroll.

 

Undervegs i testen kan me sjekka kritiske punkt for luftlekkasje med varmekamera (termografi) og ved bruk av vindhastighetsmålar eller røykampuller (fogger).

 

Trykktesting med Blowerdoor-systemet er ein særs effektiv metode for å måla om huset er bygd i samsvar med forskrifter - er bygningen er tett nok. Etter gjennomført trykkprøving får kunden ein rapport som dokumentasjon på tetthet og ein konklusjon / attest om samsvar med aktuelle krav den dagen bygningen var ny.

 

Ein trykktest vil avsløra om bygningen har svake punkt i utvendig vindtetting eller innvendig plastfolie.  

Slik test kombinert med termografi vil gje klåre indikasjonar på svake punkt og vil såleis gje godt grunnlag for val og prioritering av utbetringstiltak.

Fordel ved trykkprøving/termografi er at metoden er ikkje-destruktiv, dvs. at me ikkje treng å opna i konstruksjonar med fysiske inngrep.

Blir bustadane våre for tette? 

Bygningane våre skal vera tette og me ynskjer at all lufting skal vera planlagt og styrt. 

Frisklufta skal ikkje koma inn i stova under golvlista og fuktig inneluft må ikkje koma ut i isolasjonen.

Trykkprøving skal utførast av fagfolk med spesialkompetanse og erfaring.