Verditakst

Verdi -/lånetakst er det tradisjonelle takstformatet ved eigarskifte og verdivurdering.

 

Ein Verdi- /lånetakst gjev ei kortfatta utgreiing om eigedomen og konkluderer med ei verdivurdering.

 

Normal salsverdi
Det beløpet som takstingeniøren meiner at eigedomen normalt kan omsetjast for på takseringstidspunktet. 

Lagt til grunn er at det er eit fritt sal i ein open marknad og med fleire interessentar.

 

Låneverdi

Ein meir forsiktig vurdert marknadsverdi som skal gje lånegjevar naudsynt sikring for sitt pant i eigedomen.

Teknisk verdi
Teknisk verdi er ei hjelpeutrekning som er sett saman av:
• Normale byggekostnader for tilsvarande nye bygningar på staden oppført med aktuelle byggematerialar og metodar.
• Frådrag for gjenståande arbeid, slit, elde og ukurante konstruksjonsløysingar (som til dømes dårlegare isolasjon enn dagens krav).
• Tomteverdi er tomta sin verdi medrekna tekniske grunninvesteringar og anna opparbeiding.

Attraktivitet blir til vanleg verdivurdert/uttrykt i tomteverdien.

Atterhald i ein takstrapport / dokumentkontroll.

Vanleg prosedyre for takstrapportar er at det blir føreteke kontroll mot matrikkelen (eigedomsdata / heimelshavar).

Ein eigedom kan også ha hefte eller servituttar - til vanleg er slikt tinglyst og registrert i Grunnboka.

Bruk av eigedomen og bygningane er også underlagt godkjenning hjå kommunale myndigheter -byggesak. 

Ved avhending bør det hentast inn slike opplysningar og dette blir til vanleg gjort av meklar. 

 

NITO Takst presiserer at takstformatet Verdi-/lånetakst ikkje er ein tilstandsrapport med detaljert gjennomgang av alle bygningskonstruksjonar.

 

På generelt grunnlag ynskjer både Forbrukarrådet, meklarbransjen og takstorganisasjonane at det ved avhending blir nytta takstformatet Boligsalgsrapporten.